Trasplante á horta

Por fín, as sementes creceron e chegou o momento de trasplantalas á horta do colexio.  Tanto os alumnos/as maiores, como os pequenos foron levando as súas plantas para darlles un mellor lugar para continuar crecendo e desenvolvéndose. Cada grupo tiña un espazo reservado tendo en conta as necesidades de cada cultivo, luz, humidade, temperatura. Esperemos que a elección fose axeitada e todos se desenvolvan adecuadamente para pódelo ver cando volvamos no mes de setembro.

A crecer!!!

Traballando cos datos recollidos, 2º EP

Os nenos e nenas de 2º curso, tamén realizaron os seus gráficos a partir dos datos proporcionados polos seus compañeiros maiores. Neste caso traballaron en grupo, primeiro recortaron e prepararon os símbolos que ían empregar para logo colocalos no gráfico correspondente.

Os resultados podedes velos aquí, foi un traballo moi interesante e que nos permitiu observar o tempo que tivemos ao longo das diferentes estacións e meses. Afondamos sobre os fenómenos meteorolóxicos e a atmosfera, falamos tamén de fenómenos extraordinarios que se deron ao longo deste tempo en diferentes zonas do noso país. Puidemos tamén traballar outros conceptos como o calendario, as estacións, os meses do ano ou mesmo pasado, presente e futuro.

Aquí podedes ver o resultado do seu traballo.

Traballando cos datos recollidos, 3º EP.

Os alumnos/as de Educación Secundaria recolleron datos ao longo de todo o ano e proporcionáronnos importante información sobre o tempo que tivemos ao longo deste inverno. Con estes datos os nenos/as de 2º e 3º de EP Fixeron diferentes traballos. Velaquí os resultados.

Climogramas

Una parte importante do traballo dos científicos consiste en recoller datos para anlizalos e interpretalos, pudendo entón sacar conclusións dos mesmos. O alumnado de 3º e 4º de ESO estivo durante todo o curso recollendo, analizando datos e interpretándoos. Agora, para completar esta tarefa é preciso representalos. Así e relacionando os contidos coa área de matemáticas os alumnos e alumnas fixeron climogramas.

Debuxando e representando datos