Durante o curso estivemos traballando co xornal na aula e descubrimos unha sección moi interesante sobre o tempo. Así, os nenos e nenas realizaron unha recollida con diferentes noticias sobre as que reflexionaron. Dentro deste grupo de noticias é necesario destacar algunas delas polo traballo que realizaron. En primer lugar e aproveitando que estabamos a traballar a Idade Moderna e o descubrimento de América, os rapaces descubriron que ruta seguiu Colón e sobre todo como fixo a súa viaxe de volta, comprendendo mellor que é un anticiclón e como son os ventos ao seu arredor.
Doutra bando estiveron a traballar cunha noticia relacionada co cambio climático e a utilización de combustibles fósiles, na que se mencionaba que fai anos xa se coñecían os efectos contaminantes, malia que non se fixo nada para minorizalos. A partir desta noticia xurdiron un montón de preguntas e inquedanzas que derivaron nun debate.
Mesmo tamén descubriron que a capa de Ozono está de novo ameazada e que non todos os países están a cumplir o pactado, incrementando a contaminación e destruindo este escudo natural que nos protexe.
No hay comentarios:
Publicar un comentario